नाते किती जपावे
नाते कसे जपावे
व्हावे तसेच नाते
लागू नये जपावे
नाते कुठे असावे
नाते कधी असावे
वाटे हवेच नाते
तेव्हा तिथे असावे
नाते असे दिसावे
नाते तसे दिसावे
चर्चा कशास नाते
नुसतेच ना दिसावे
Friday, October 22, 2010
वाटणी
वाटणी झाली तर ते पाप कसं
सुखानं वेगळं नांदणं शाप कसं
भिंती मनाच्या असतात
एकत्र असणं प्रेमाचं माप कसं
सुखानं वेगळं नांदणं शाप कसं
भिंती मनाच्या असतात
एकत्र असणं प्रेमाचं माप कसं
पुन्हा नव्याने
काळाचे संदर्भ बदलले पुन्हा नव्याने
आणि काहींना अवघडले पुन्हा नव्याने
आभाळाशी हात मिळवले पुन्हा नव्याने
मातीच्या गर्भात मिसळले पुन्हा नव्याने
शब्दांचेही भान हरपले पुन्हा नव्याने
आणि काहींना अवघडले पुन्हा नव्याने
खोटे नाही! मी घुटमळलो जरा जुन्याशीउंची माझी सोसत नव्हती तशी कुणाला
आशेचे काही क्षण दिसले पुन्हा नव्याने
आभाळाशी हात मिळवले पुन्हा नव्याने
दुःखाच्या तक्क्यावर बसलो उजाडलेलामातीच्या देहात उकिरडे नको फुलाया
मायेने काळीज उघडले पुन्हा नव्याने
मातीच्या गर्भात मिसळले पुन्हा नव्याने
पूर्वेच्या लालीवत दिसला प्रकाश जेव्हाअर्थाने जो दार किलकिले स्वतःच केले
या रक्ताचे डाग पुसटले पुन्हा नव्याने
शब्दांचेही भान हरपले पुन्हा नव्याने
प्रेमाने हा खेळ निवडला जुनापुराणा
कोणाचे काळीज निवडले पुन्हा नव्याने?
एक
एक अक्षर उमटावे अंतरीचे,
एक शब्द पोचावा सार्थ,
एक वाक्य यावे संवादी त्या ह्रदयाला,
एक परिच्छेद व्हावा माणसांचे प्रश्न मांडणारा
नेमका पण असोशीने,
एक लेख साधावा सुबद्ध
जो आधारभूत जाणीवांना
एक प्रकरण जुळून यावे साकल्याने नि सातत्याने प्रवाही
पण चिरंतन संकल्पनेचे,
एक ग्रंथ साधावा जीवनांना उजळून टाकणारा
काही काळ तरी
दुसरा सरस पण तीच शाश्वत मूल्ये सांगणारा येईतो
मग माझ्या अस्तित्वाचा कुठलाही आग्रह न धरता
निघून जाईन नि:शंक मनाने
Friday, October 8, 2010
Subscribe to:
Posts (Atom)